اخبار جهة مراكش | الإثنين 19 أكتوبر 2015 - 16:50
نجيب “ولد العروسية” يؤكد: انا سياسي بيهم ولى بلا بهم واتحاديو مراكش ما عندهم علاقة بالسياسة
مراكش الان – عن “الجريدة 24”
في أول خروج إعلامي له بعد تداول خبر تقديم استقالته من حزب الاتحاد الاشتراكي بمراكش، قال نجيب رفوش، المعروف بـ”ولد العروسية”، “أنا لم أقدم أي استقالة من الحزب وكل ما بلغ إلى علمي أن المجلس الإقليمي الموسع الذي عقدته الكتابة الإقليمية لحزب الاتحاد الاشتراكي بمراكش هو من اتخذ قرار الإقالة في حقي”.
وأضاف “ولد العروسية” في تصريح لـ”الجريدة24″، “دارو اجتماع روسهم وقرروا داكشي روسهم وأنا ما عمر تاصل بي حتى شي حد هاتفيا، ولا بارك لي رغم أنني أهديت حزب الاتحاد الاشتراكي مقعدين لم يكن ليحلم بهما”.
واسترسل السياسي المثير للجدل “الناس ديال الاتحاد الاشتراكي في مراكش ما عندهم حتى علاقة بالسياسة، وليس لهم أي تجربة وخاصهم يمشيو يفكو مشاكلهم الخاوية بيناتهم لأن الحزب كبر منهم ومن كلشي”.
واستطرد نجيب رفوش، “مع وجود هاد التنسيقية اللي كاينة دابا ديال الحزب في مراكش، اللي جا غادي يمشي في حالو كيهدرو على الخوا وما بغاوش الحزب يزيد للقدام وما معاونينش الحزب، وإدريس لشكر راه سياسي محنك خاصو ينظر في هادشي اللي كيوقع”.
وقال “ولد العروسية”، “هاد الاتحاديين ديال مراكش خالقين مشاكل للحزب ولإدريس لشكر اللي كنعتابروا أنا كبر من هادشي، هاد الناس استولوا على الحزب وحتى المواطنين كرهوهم لأنهم ماشي سياسيين وماشي محنكين”.
وأضاف رفوش، “هاد الاتحاديين ديال مراكش مخاصمين غير بيناتهم والدار إلى تخاصمو فيها الخوت أشنو غادي يدير فيها البراني، الحزب غالي على أي واحد وحزب عريق وما خاصهومش يخليوه يموت وما يحدث الآن انتقام من الحزب وهادشي حشومة”.
ورفع رفوش، سقف التحدي عاليا في وجه خصومه حين قال “أنا سياسي بيهم ولا بلا بيهم وكنمارس السياسة في الاتحاد ولا في غيرو، وهادوك ملي كيخرجو للزنقة ما كيعرفهم حتى حد 6 ديال الناس كيجتامعوا وسادين على راسهم حتى قرعة ديال الما ما كيجيبوها لهاد الاجتماع فين هو التواصل مع المواطنين وسياسة القرب؟”.
يذكر أن الاجتماع الإقليمي الموسع للكتابة الإقليمية لحزب الاتحاد الاشتراكي تم خلاله الإعلان عن إقالة نجيب رفوش، المعروف بـ”ولد العروسية” من الحزب.
