حوادث | الثلاثاء 5 يوليو 2016 - 17:19
تعرى بمسجد وهاجم خطيب الجمعة بسيف قائلا:هاابولهب جاكم
قصة مثيرة لشخص يبدو انه ليس في كامل قواه العقلية خلال صلاة الجمعة ما قبل الاخيرة بمدينة القنيطرة. الخطيب ما عليه ما بيه كيخطب على حقوق الاطفال وواجبات الوالدين في الاسلام وهو ينوض احد المصلين وكال للخطيب وبدل علينا هاد الموضوع. طبعا فكل بداية صلاة الجمعة ديما كيرددو “من لغا ليس منا” يعني ما خاص حتى حد يهدر. الخطيب واصل خطبته وصاحبنا عاود دخل وراه الموضوع حامض بدلو. طبعا دخل احد المصلين وخرجوه.
السيد غريب الاطوار حيح وبدا يحيد فحوايجو وبقى غير فشورط ومشى ورجع بسيف وهجم على الخطيب وكلشي تخلع والخطبة وقفات والسيد كيغوت وكيكول وفين هاداك اللي داير راسو صعصع المسجد وفين هاداك المومن اللي باغي يدير فيها عمر بن الخطاب ها ابو لهب جاكم يا اولاد …..
عن “كود” ـ صورة تكميلية
