اخبار جهة مراكش | الإثنين 21 أكتوبر 2019 - 13:43
فيسبوكيا.. جماهير الكوكب المراكشي “تقصف” المدرب رضوان الحيمر بعد تشكيكه في فوز فريقهم
فؤاد بلمحجوب – مراكش الآن
يبدو ان رضوان الحيمر مدرب الشباب الرياضي السالمي لم يستسغ تعرضه للهزيمة، يوم امس الاحد، امام الكوكب المراكشي برسم الدورة الخامسة من القسم الوطني الثاني، حيث نشر فيسبوكيا “الله يخلف على الثلاثي ديال الحكام دار خدمتهم مزيان راه صفر محاولة تحيز واضح للحكم لي حرمنا من ضربة جزاء واضحة وكان تيدفع فيهم وتيحبس فينا”.
هذه التدوينة جرت على المدرب الحيمر هجوما لاذعا من طرف جماهير الكوكب المراكشي حيث رد عليه اشرف المغاري سليطين: “هدشي كنتي دخل تقولَو فالندوة الصحفية لي اعتذرتي عن حضورها… ولا الكلام فالفايس مباح دون قيد او شرط.. على اية حال الفوز مستحق من هدف فيه الكثير من الابداع والامتاع لعبد الله غراف… فريقك في غياب نجيمة لم يظهر له نجم في سماء ملعب مراكش… بالتوفيق لك في القادم”.
فيما كان جواب هشام الكنار على الشكل التالي: “اخويا الحيمر واش ما بيتيناش نربحو أول ماتش لنا في الدوزيام سيري!.. انت بعدا ديما عايش و ساكن في الدوزيام سيري الا ما ربحتي اليوم تربح غدا وفي أعوام مقبلة في هاد القسم ولا رجع للهواة احسن رآه عزيز عليا نشوفك في برنامج هواة ههههه راك منور فيه ديما بدوك النضاضر الكحلين”
هذا وكتب كوكابي مراكشي: “Redouane El Haimeur ديما البكا والشكا ملي كان تيلعب وباقية هاد الحالة الله اشافيك”.، ودون هشام نونة: “للاسف الواحد فاش تايطول فالهواية (أقصد التدريب فالهواة لوقت طويل) تايولي حتى هو هاوي لا فعقلو لا فتعاملو… ياودي ياودي هذا هو للي لعب فالرجاء فأزهى أيامها!!!”
وعاتبه مولاي رشيد نونة قائلا: “Redouane El Haimeur خسرتي ماتش وبغيتي تخسر أمة ديال الناس فمراكش لي تايحتارموك”، ورفع المشجع حسن الفقيه تحديه قائلا: “Redouane El Haimeur باز إلى كانت هذيك ضربة جزاء أجي نشري ليك دار فمراكش ولا إعتزل أنت الكورة”.
