اخبار جهة مراكش | الخميس 2 أبريل 2020 - 16:26
حصري.. قربالة بالفيسبوك.. بسبب تعرض ممرض متدرب للطرد من مستشفى ابن زهر بعدما عانقته الاسرة الفرنسية التي شفيت من فيروس كورونا بمراكش
فؤاد بلمحجوب – مراكش الآن
لاحديث بين رواد موقع التواصل الاجتماعي الفيسبوك طيلة ساعات اليوم الخميس، الا عن قرار التخلي عن خدمات ممرض متدرب بمستشفى ابن زهر مباشرة بعد مغادرة اربعة مصابين تماثلوا للشفاء.
وكشفت تدوينات مجموعة من الاشخاص والتي تفاعل معها رواد العالم الافتراضي، ان الممرض المسمى خالد بلبولي الذي عانقه افراد الاسرة الفرنسية التي غادرت مستشفى المامونية، يوم امس الاربعاء، عرفانا للخدمات الجليلة التي قدمها لهم خلال اكثر من عشرة ايام بالحجر الصحي، وجد نفسه خارج اسوار المؤسسة الصحية التي فضل المكوث بها والاستمرار في اداء واجبه المهني ولو كمتدرب في الوقت الذي قدمت مجموعة من الاسماء شواهد طبية منذ استقبال اولى حالات الفيروس الخطير.
مضمون التدوينة الفيسبوكية خلق جدلا منقطع النظير بين رواد العالم الازرق بين من يطالب بانصافه وحتى تشغيله نظرا لشجاعته في الاشتغال في ظل انتشار الوباء الخطير، فيما اعتبرتها جهات اخرى انها مجرد محاولة للتأثير على الادارة لصالح الشاب وتحمل الكثير من التجني على الاطر الطبية والصحية بمستشفى ابن زهر التي اشتغلت بشكل تضامني لإنقاذ حياة مرضى فيروس كورونا.
وتنشر “مراكش الآن” التدوينة التي خلقت جدلا فيسبوكيا والتي جاءت على الشكل التالي:
السلام عليكم،
هاد السيد اللي عليمن سميتو خالد بلبولي ممرض متمرن يعني فالسطاج كان خدام فمستشفى ابن زهر فمراكش فجناح المرضى ديال كورونا مع العلم انه هوا الوحيد اللي كان خدام تما كممرض، حتى واحد ما قبل ليهوم يدخل لهاد المهمة اليوم و من بعد شهرين فاش دخل لهاد السيرڤيس جا عندو مفتش الشغل جرا عليه قاليه نتا ما خاصكش تخدم هنا، وانا شخصيا مشيت دوزت التيست ديال كورونا عندهم فهاد المستشفى و كان هوا اللي مقابلني لمدة 24 ساعة حتى خرجات النتيجة ديال التحاليل و كانشهد على المهنية ديال هاد السيد و الحب ديالو لهاد المهنة والتعامل االإنساني اللي كايتعامل مع المرضى.
فالوقت اللي حنا فأمس الحاجة لبحال هاد الناس كايجي واحد و كايجري عليه و كايسيفطو للدار و كاينين اطر اللي فوزارة الصحة قدمو شواهد طبية باش ما يخدموش فهاد الجناح ديال كورونا، انا كمواطن مغربي و عندي غيرة على هاد البلاد ما قدرتش نعاون هاد السيد الا بنشر هاد المعلومة باش توصل للجهات المعنية و يتدخلو يديرو ليه حل فالله يجازيكوم بخير عاونونا بالپارطاج باش هادشي يوصل للمسؤولين .
بس : هادي صورة ديالو مع المواطن الفرنسي اللي تشافى هو وعائلتو البارح “.
